पोखरामा प्रहरीको बढ्दो सकृयता .............के के कुरामा
Category: Reflection

पोखरामा प्रहरीको बढ्दो सकृयता .............के के कुरामा -

पोखरा यति वेला गएको बर्षहरुको तुलनामा निक्कै शान्त बनेको छ । नेपालको प्रमुख पर्यटकिय गन्तव्यको रुपमा रहेको पोखरा शहरमा गुन्डागर्दीको निक्कै चहल पहल रहेको थियो । हरेक कुरामा उनीहरुसँग सहकार्य नगरीकन कुनै पनि कार्य गर्न त्यति सजिलो थिएन । पोखरेलीहरु दिन दहाडै व्यस्त सडकमा हुने ग्याङ फाईटले निक्कै त्रसित रहेको थियो । कति वेला कहाँ के हुने हो कसैलाई पत्तो हुने थिएन । सबैलाई आफ्नो ज्यान जोगाउन पनि निक्कै मुस्किल भई सकेको थियो । वाहिरका मानिसहरुले पोखरा एउटा उपनामनै दिएको थियो " गुण्डागर्दीको शहर " । आन्तरिक पर्यटकहरु पोखरा घुम्न आउने कुरा एक पटक घोरिएर सोंच्नै पर्ने वाध्यता रहेको थियो । लागु पदार्थ सेवन गर्ने, हातहतियार लिएर हिंड्ने, ज्यान मार्ने प्रकृति खालको ग्याङ वारहरु यहाँ दिनहुँ जस्तै हुने गर्दथ्यो । सरकारले मान्यता नदिएको यौन व्यवसाय पनि त्यति खेर निक्कै मौलाएको थियो । पोखरा झण्डै झण्डै गुण्डागर्दी अनि यौन व्यवसायको शहरको रुपमा पनि परिचित हुँदै गई रहेको थियो । त्यो उपनाम पाउनवाट पोखरा त्यतिवेला जोगियो जति वेला पोखरामा एस.पि रमेश खरेलको आगमन भयो । पत्रकार सम्मेलन गरेरै पोखरामा भए गरेको गुण्डागर्दी, यौन व्यवसाय, लागु पदार्थलाई नियन्त्रण गर्ने कुरा व्यक्त गर्न नपाउँदै त्यस्तो खालको व्यवसायमा लागेकाहरुको रातको निदनै हरण भई सकेको थियो । टोल टोलमा जम्मा भएर बस्ने युवाहरुको सातो पुत्लो नै गएको छ । होटलको नाममा यौन व्यवसाय सञ्चालन हुने ठाउँहरु सुनसान भई सकेको छ । रातको समयमा रक्सि खाएर हो हल्ला गरेर हिंड्नेहरु चुपचाप घरमा सुत्न बाध्य भएको छ । एक हिसावले पोखरा शहर अब निक्कै शान्त अनि सुन्दर हुन थालि सकेको छ । पोखरेली जनतामा पनि एस.पि खरेलको आगमनले निक्कै हौसला थपिदिएको छ ।

दादागिरी गर्ने हरुको यति वेला पत्ता साफनै भई सकेको छ । यौन व्यवसायहरु भने एका दुइ अझ पनि सञ्चालन भई रहेको तितो सत्य हो । एस.पि खरेलको आगमनले दुइ चार पैसा लिएर काम गर्ने पुलिस प्रसाशनको पनि अहिले निदनै लाग्न छोडेको तितो सत्य कहिं कतै लुक्न सकेको छैन। एस.पि खरेल दुइ हप्ता विदामा घर गएको वेलामा लाखौं कमाउने पुलिस प्रशासन पनि यहाँनै रहेको छ । । हप्तामा लाखौं कमाउनेहरु अहिले कति वेला खरेल विदामा बस्ला र कमाउँला भनेर कुरेर बसि रहेको छ । झारपात लौरो हल्लाउने र एक दुइ फुलि लगाउनेहरुको त कुरै नगारौं । जे होस् जसो भने पनि जसो गरेपनि अहिले यतिवेला पोखरा शान्त बनेको छ ।
समय समयमा परिवर्तन भई रहने प्रहरी प्रशासनको नियम कुनैवेला मोटर वाईकमा हिंडने दुबै जनाले हेलमेट प्रयोग गर्नु पर्ने , कहिले दुबै जनाले हेलमेट प्रयोग गर्न नपाईने नियम चालकहरुमा लगाएकै हो । जसले बाध्य भएर हेलमेट किन्नु परेको फेरि पछि त्यो हेलमेट प्रयोगमानै नआएको अवस्था पनि रहेको थियो । त्यो वेलाको जस्तै यति वेला कुनै पनि सवारी साधनमा डिजिटल नं. प्लेट प्रयोग गर्न नपाईने केन्द्रको आदेस सहित अहिले डिजिटल नं. प्लेट राखेको भरमा जरिवाना स्वरुप धमाधम पैसा उठाउन थालेको छ । कसैलाई पनि वार्निङ नदिईकन पैसा उठाउन थाले पछि चालकहरुमा निक्कै मारमा परेको छ । ग.२.प ७५९६ का बसन्त गुरुङ, ग.४.प ५६६७ का हरी सुवेदी, ग.५.प ११९ का रामकृष्ण श्रेष्ठ, ग.४.प ३२४४ का मिन गुरुङ आफुहरुलाई वार्निङनै नदिई जरिवाना गरेकोमा दुखेसो पोख्नु हुन्छ । नेपाल भर डिजिटल नं. प्लेट प्रयोग गर्न नपाईने भन्दै प्रत्येक चेकिङमा वार्निङ विनानै विल काटी दिने गरेको छ । पोखरामा मात्र नभएर नेपालमा गुड्ने हरेक सवारी साधनमा डिजिटल नं. प्लेट राख्ने चलन यतिवेला निक्कै बढेको छ । यद्यपि उनीहरुले दिने गरेको रिसिभमा भने डिजिटल नं. प्लेट राख्न नपाईने कतै पनि उल्लेख रहेको छैन । प्रहरी प्रमुख कार्यलयवाट दिएको आदेस हो या ट्राफिक प्रहरीको कमाउने नयाँ धन्दा हो यो भने कि नेपाल सरकारलाई थाहा होला नभए विल काट्नेहरुलाई नै थाहा होला तर जसो गरे पनि जे गरे पनि मारमा आखिर नेपाली जनतानै परेको छ । पोखरामा चल्ने विषेश गरेर मोटर वाईकहरु, प्राइभेट कार र छिटफुटमा ट्याक्सीहरु डिजिटल नं. प्लेटको मारमा परेको छ ।